2 lalaki nga nagahimo sang indi lisensiyado nga armas, arestado sa entrapment ops.

ROXAS CITY – Arestado ang duha ka lalaki sa entrapment operation sa Calinog, Iloilo, bangud sa paglapas sa RA 10591ukon Comprehensive Law on Firearms and Ammunition.

Nakabilanggo sa karon sa karsel sang Calinog PNP sanday Dionisio Caro 49-anyos kag Reymund Caro 27-anyos sang Barangay Banban Grande, Calinog, Iloilo.

Narekober sa lugar ang 1 homemade 12 gauge shotgun, 2 pistol homemade 12 gauge shotgun, 2 cal. 38 homemade, magkatuhay nga ammos kag kagamitan sa paghimo sang armas.

Nahibaluan nga madugay na nga ginamonitor sang mga otoridad ang iligal nga buluhaton sang duha.