ROXAS CITY – Pilason ang anum ka mga pamatan-on matapos nga nagsalpokanay ang duha ka motorsiklo sa Baranagay Natividad, Pilar Capiz.
Ginkilala ang napilasan nga sanday Nino Aldea 19 anyos driver sang motorsiklo kalakip na ang lima ka mga angkas ini nga sanday Nisan vargas 21 anyos sang Cayus Pilar, Rachelle Joy Mosqueda 20 anyos sang Poblacion Pilar kag duha ka mga menor de edad nga babayi.
Nag-angkon man sang pilas ang driver sang isa ka motorsiklo nga si Jojie Crispolon 18 anyos sang Barangay Rosario, Pilar Capiz.
Base sa imbestigasyon sang Pilar PNP samtang ginasubay sang duha ka mga motorsiklo ang nasambit nga lugar aksidente nga nabungguan sang ginamaneho nga motorsiklo ni Crispolon ang motorsiklo ni Aldea.
Bangud sa aksidente nag-angkon sang pilas sa lawas ang mga nakasakay sa motorsiklo kag karon naka-confine sa Jesus Colmenares District Hospital.
