ROXAS CITY – Patay ang driver kag backrider sang motorsiklo samtang pilason ang isa nila ka kaupod matapos nagbunggu-anay ang motorsiklo kag aluminum van sa Sitio Minoro, Barangay Bula, Mambusao, Capiz.
Dead on arrival sang mag-abot sa ospital sanday Alex Labanza 28-anyos, driver sang motorsiklo kag Fredilyn Alayon 19-anyos samtang padayon nga ginabulong sa ospital si Angelo Alayon.
Ba-se sa imbestigasyon sang Mambusao PNP, ginasubay sang motorsiklo ang karsada sang aksidente nga nagbunggo ang aluminum van nga ginamaneho ni Donald Palparon 46-anyos sang Talibong Tequiño, Mina, Iloilo.
Sa pagpangusisa naman kay Palparon, gin-ako sini nga nag-overtake siya sa naaberiya nga truck sa dalan kag wala nakita ang masugata nga motorsiklo sang mga biktima.
Bangud sa impact sang pagkabunggo sang van sa motorsiklo nagtabog ang mga biktima.
