ROXAS CITY– Nagbalik sa presuhan ang isa ka serial killer matapos patyon sa pagbuno ang utod sang nobya kag isa ka bystander sa Barangay Poblacion Proper, Mambusao, Capiz.
Sa exclusive interview kay PO2 Lord Amosig, imbestigador sang Mambusao Police Station, ginpahayag sini nga pilit nga gin-agaw sang suspek nga si Rogelio Salaya, 36-anyos, ang simcard sang 15-anyos nga kahagugma bangud nagapakigbulag na ini.
Samtang naga-agaway ang duha, nakita ini sang bystander nga si Nildo Llavore kag ginbuligan sini ang biktima apang ini ang ginbuno sang suspek.
Nagtambag naman ang utod sang menor de edad nga si Aiza Isuma apang wala man ini nakaluwas sa pagpangbuno ni Salaya.
Wala pa nakuntento ang suspek kag ginbuno sini ang nobya nga nag-angkon sang kapilasan sa lawas
Gindala sa ospital ang tatlo apang wala na matabangan pa sanday Llavore kag Isuma, apang padayun karon nga ginabulong sa ospital si Roxan
Samtang gin-ako sa Bombo Radyo sang suspek nga siya ang responsable sa pagpangbuno sa mga biktima nga nagresulta sa kamatayon sang duha.
Nahibaluan nga ginpatay man sadto sang suspek ang anay karelasyon bangud sa selos.
