ROXAS CITY – Pilason ang 2 persona matapos nga naaksidente sa ginamaneho nga motorsiklo sa Brgy. Dulangan banwa sang Pilar.
Ginkilala ang mga biktima nga sanday Reggie Bulaqueña, 45- anyos, driver sang motorsiklo nga Bajaj kag ang backrider sini nga si Rony Buenaventura, 35- anyos nga lunsay residente sang Brgy. Natividad sa nasambit nga banwa.
Sa impormasyon nga nakuha sang Bombo Radyo sa Pilar MPS, ginpahayag nga nadulaan sang kontrol sa manebela si Bulaquena sang nagliko ang kasugata nga van nga ginamaneho ni Rocky Dumagat, 63 anyos, residente sang Brgy. San Blas banwa sang Pilar.
Bangud diri, nahapit sang motorsiklo ang likod nga porsyon sang van rason nga natumba ang motosiklo nga ginamaneho ni Bulaqueña.
Nag-angkon sang pilas sa magkatuhay nga parte sang lawas ang mga sakay sang Bajaj, partikular kay Reggie Bulaquena kun sa diin nabali ang tul-an sini.
Madasig naman nga ginrespondehan ang mga biktima, kag gindala sa Bailan District Hospital.
Magabulig naman ang driver sang van kag magasettle nalang sa mga biktima.
