ROXAS CITY – Gindala sa ospital ang duha ka mga senior citizen matapos aksidente nga mahapit sang trak sa Poblacion Tacas, Cuartero, Capiz.
Lunsay nag-angkon sang pilas sa lawas ang mga biktima nga sanday Pablo Pimentel 72-anyos kag Consejo Delfin 67-anyos.
Ba-se sa imbestigasyon sang Cuartero PNP, nagalakat ang mga biktima sang wala ginalauman nga mahapit sang truck nga ginamaneho nio ni Arnold Retiro 40-anyos sang Himamaylan, Negros Occidental.
Nahibaluan nga gikan sa Metro Manila ang truck kag padulong sa Iloilo sang hinali nga wala nagkagat ang preno, rason nga nadulaan ini sang kontrol tobtob nahapit sini ang nagalakat nga mga tigulang.
Samtang na-released na sa kostodiya sang pulisya ang driver sang truck nga si Retiro matapos nagtakup na ang reglementary period of detention.
