LAGOS, NIGERIA — Arestado sang Nigeria’s National Drug Law Enforcement Agency (NDLEA) ang 20 ka mga Filipino sailors matapos makumpiska ang indi magnubo sa 20 ka kilo nga high-grade cocaine nga ginapahayag halin pa sa Brazil.
Nakumpisak ang ilegal nga droga sang Dominggo sakay sang isa ka Panama-registered vessel nga nagdungka sa nagapanguna nga pantalan sang Lagos.
Suno sa NDLEA, gintago ang cocaine sa idalom sang kargamento sang barko, nga masami nagadala sang coal halin sa Brazil kag Colombia. Wala pa ginabuyagyag sang mga awtoridad kun ano ang insakto nga kargamento sang nasambit nga barko sang nadakpan ini.
Kadam-an sang crew mga Pilipino nga sa subong yara na sa kustodiya sang NDLEA para sa madalom nga imbestigasyon.
Kabahin ang operasyon sang ginapasangkad nga anti-narcotics campaign sang Nigeria. Sang damlag lang, ginreport sang NDLEA ang koordinasyon sini sa U.S. kag British authorities agud matultolan ang cartel nga responsable sa 1,000 kilo sang cocaine nga nadiskubre sa kapareho nga pantalan.
Natabo ang insidente samtang nagakusog man ang counter-narcotics operations sang Estados Unidos sa rehiyon, kasunod sang mas dalagkuan nga deployment sang U.S. forces sa Caribbean para batuan ang drug trafficking halin sa Latin America, kalakip ang Venezuela kag Mexico.
