ROXAS CITY –— Magahatag sang 200 ka sako sang bugas ang gobyerno probinsiyal sang Capiz para sa mga apektado sang kinagamo sa Marawi City.
Ini matapos nga makalab-ot kay Capiz Gov. Antonio Del Rosario nga indi nagakaigo ang suplay sang pagkaon sa mga residente sang Marawi nga nag-evacuate sa syudad kag nagapabilin sa karon sa mga evacuation centers.
Nagpaoasar naman sang resolusyon ang Sangguniang Panlalawigan agud mapahanugutan ang nasambit nga tikang sang gobyerno probinsiyal.
Nakig-angut naman ang gobyerno probinsiyal sa National Food Authority – Capiz Provincial Office agud mapalab-ot sa mga evacuees ang nasambit nga suplay sang bugas.
Magahalin naman sa NFA warehouse nga malapit sa Marawi City ang suplay sang bigas nga itugyan sang gobyerno probinsiyal sang Capiz sa mga evacuees.
