Pagagamiton sang duha ka Philippine handball teams ang pagapasakupan nga torneo sa Muscat, Oman sa Mayo bilang preparasyon sa palaabuton nga 33rd Southeast Asian Games sa Thailand sa Disyembre.
Mahibaluan nga nagikan ang national men’s kag women’s teams sa madinalag-on nga kampanya sa nakaligad nga Southeast Asian Beach Handball Championships nga ginpatigayon sa Suphanburi, Thailand.
Nakakuha ang national men’s crew sang gold medal samtang bronze naman ang women’s team.
Masunod sila nga magahampang sa 10th Asian Men’s and Women’s Beach Championship nga natalana naman sa Mayo 1 tubtob 10 sa Muscat, Oman kalakip na ang ila pagpreparar para sa 2025 SEA Games.
Kaangut sini, wala pa sang may nakuha nga bulawan nga medalya ang Philippine handball teams sa SEA Games sa baylo may yara lamang ang ini sang lunsay tig-isa ka silver kag bronze medal.
Sa Asian Champions, makaatubang sang national men’s team ang mga tropa sang Qatar, Iran, Pakistan kag host Oman.
Makasambuwa naman sang national women’s squad ang Vietnam, India kag Hong Kong.
