-- ADVERTISEMENT --
Aprubado na sang Senado ang P17.4-billion nga pondo sang Department of Agrarian Reform (DAR) para sa 2026, suno kay Secretary Conrado Estrella III nga nagpalab-ot sang pagpasalamat sa mga senador.
Suno kay Estrella, ang bag-o nga pondo ang magapabakod sa mga programa sang ahensya para sa seguridad sa pagpanag-iya sang duta, kag mga serbisyo nga magahatag suporta sa mga mangunguma.
Kalakip sa nagapanguna nga ginpondohan amo ang mga masunod:
- Support to Parcelization of Lands for Individual Titling Program nga may P5.1 billion para sa madasig nga parcelization kag pagpagwa sang indibidwal nga titulo halin sa mga collective title.
- Land Tenure Security Program nga may P9.5 billion para sa pagpanagtag sang mga pribado kag pampubliko nga agricultural land.
- Agrarian Justice Delivery Program nga may P1.4 billion para sa mas madasig nga pagresolba sang mga kaso pang agraryo kag pagkuha sang dugang nga abogado.
- Agrarian Reform Beneficiaries Development and Sustainability Program nga may P1.87 billion para sa pagpasangkad sang pagabuy-anan kag paghanas sang mga agrarian reform beneficiaries.
Gin-aprubahan ni Senate President Vicente C. Sotto III ang budget sa ginpatigayon nga deliberasyon sang Nobyembre 18, nga gin-sponsporan ni Senator Sherwin Gatchalian kag gintambungan ni Estrella kag iban pa nga opisyal sang Department of Agrarian Reform.
