-- ADVERTISEMENT --
ROXAS CITY – Patay ang 21- anyos nga lalaki matapos matuhog sang kabilya sa ginakay-o nga dalan sa Barangay San Jose, Dumalag kaina sang aga.
Sa exclusive interview sang Bombo Radyo kay Police Senior Master Sergeant Gerry Habulan sang Dumalag Municipal Police Station ginkilala ang biktima nga si Denmark Furatero, 21- anyos kag residente sang Sta. Petronila, Tapaz.
Ginasubay sini ang dalan sa Barangay San Jose sakay sa motorsiklo padulong sa direksyon sa banwa sang Dumalag sang hinali ini mahulog sa ginapalapad nga dalan sa amo nga lugar nga gintunaan sang pagkatuhog sini sang kabilya.
Gindala pa sang Dumalag Emergency Response Team si Furatero sa Tapaz District Hospital, apang gin deklarar nga dead on arrival.
