ROXAS CITY-Ginkompirmar sang alkalde sang banwa sang President Roxas nga may yara Locally Stranded Individuals ukon LSI nga panibag-o nga nagpositibo sa COVID-19 sa amo nga banwa.
Sa interview sang Bombo Radyo kay President Roxas Mayor Receliste Escolin, ginpahayag sini nga 21-anyos nga babayi nga LSI nga residente sang Barangay Badiangon sang nasambit nga banwa ang panibag-o nga nagpositibo sa COVID-19.
Suno kay Escolin nga may yara sang travel history sa Caloocan City ang nasambit nga LSI kag nagpauli sa probinsiya sang tinalikdan nga Hulyo 20.
Apang gin-athag ni Escolin nga wala nakapauli sa Barangay Badiangon ang nagpositibo nga LSI kag nagapabilin sa quarantine facility sang nasambit nga banwa.
Samtang ginpanginwala naman ni Escolin nga may yara sang nagpositibo nga indibidwal nga ginpapauli sa ila balay.
Suno kay Escolin nag nagnegatibo na sa RT-PCR test ang mga indibidwal nga ginapapauli sa ila nga balay.
