ROXAS CITY – Arestado ang 23- anyos nga lalaki sa ginpatigayon nga drug buy-bust operation sa Legaspi Ilawod, Barangay 5, Roxas City.
Ini amo si alyas “Jhon”, 23 anyos kag residente sang Barangay Tanque, Roxas City.
Sa interview sang Bombo Radyo kay Police Chief Master Sargeant Ramil Arcangeles, spokesperson sang Roxas City Police Station, iya ginpahayag nga madugay na ini nga ginamomitor sang kapulisan bangud madamu sang mga pumuluyo nga nagapalab-ot sa ila nga nagaduso ini sang iligal nga mga buluhaton.
Nakuha sa subject ang duha ka sachets sang ginapatihan shabu, isa ka coin purse kag P2, 000 nga buy-bust money.
Ang operasyon ginpatigayon sang Station Drug Enforcement Team sang Roxas City Police Station bilang kabahin sang ila kampanya batok sa iligal nga droga.
Interviewed by: Bombo Jessa Mae De Los Santos
