Ilunsyar sang Philippine Amusement and Gaming Corporation (PAGCOR) ang 24/7 hotline para sa mga indibidwal nga may problema sa sugal bilang sabat sa panawagan ni Kabataan Party-list Rep. Renee Co.
Magabulig ang PAGCOR sa Seagulls Flock Foundation, isa ka NGO nga eksperto sa rehabilitasyon, agud i-train ang mga operator sang hotline.
Ang mga matawag ang mahimo nga i-refer sa mga partner rehab centers sang PAGCOR kasubong sang Bridges of Hope, Life Recovery Center, kag Milestone Health and Wellness.
Magluwas pa diri, may ara sang self-exclusion program ang PAGCOR nga may masobra duha ka libo nga naaprubahan sang aplikasyon, kun sa diin ang minimum gaming ban ang isa ka tuig, kag hugot ang proseso antes tugutan nga makabalik sa paghampang.
Ginganyat ni PAGCOR Chair Alejandro Tangco ang publiko nga idangop sa PAGCOR ang ila nga mga himata nga adik sa sugal para sa nagakaigo nga bulig kag rehabilitasyon.
