ROXAS CITY – Arestado ang 24-anyos nga lalaki matapos ginserbihan sang warrant of arrest sang mga kapulisan sa Sitio Pudian, Barangay Tuburan banwa sang Maayon.
Ginkilala ang arestado kay Jurred Dichosa, mamumugon, residente sang Barangay Guinbi-alan sang nasambit nga banwa.
3 counts of Statutory Rape ang ginapangatubang nga kaso sang amo nga akusado kun sa diin wala sang may ginrekomendar nga piyansa para sa temporaryo sini nga kahilwayan.
Ang warrant of arrest ang ginpapanaug kag ginpirmahan ni Hon. Faustino Valenzuela Roxas Jr, Presiding Judge, Branch 14, 6th Judicial Region, Roxas City, Capiz napetsahan Disyembre 7, 2021.
Mahibaluan nga ginakabig nga Top 1 Most Wanted Person sa probinsya sang Capiz ang amo nga arestado.
Sa karon yara na ini sa kustodiya sang Maayon MPS para sa nagakaigo nga disposisyon.
