ROXAS CITY – Arestado ang 24- anyos nga lalaki matapos ginserbehan sang mandiamento de aresto sang mga katapo sang Panitan MPS sa Brgy. Pob. Ilaya, banwa sang Panitan.
Ginkilala ang gin-aresto kay Joemark Aguirre, residente sang nasambit nga lugar.
Sandig sa report sang kapulisan, nagapangatubang sa 2 ka kaso nga Revised Penal Code Art. 266 ukon slight Physical Injury kag RPC Art. 327 ukon Malicious Mischief si Aguirre.
Ang warrant ang gin-isyu kag ginpirmahan ni Hon. Socorro Rapiz Oliveros, Presiding judge 6th Judicial Region, Municipal Trial Court, Panitan Capiz napetsahan Hunyo 7, 2022.
Ginrekomendar sang korte ang pyansa nga kapin P8,000 para sa iya temporaryo nga kahilwayan. Sa karon, nakahunong na sa karsel sang Panitan MPS si Aguirre, kag igaturn-over sa court of origin.
