25 anyos nga waiter, nasapwan-patay sa sulod sang ila balay

ROXAS CITY – Patay na sang nasapwan ang 25 anyos nga lalaki sa sulod sang ila nga balay sa Barangay Tanque, Roxas City.

Ginkilala ang biktima kay Maverick Mamay, residente sang nasambit man nga lugar.

Suno sa tiyo sang biktima nga si Rene Mamay, pukawon kuntani sini ang hinablos nga nagahigda sa sofa agud magduty sa iya ginatrabahuan nga isa ka balay ilimnan.

Apang ginkakibot ni Rene wala na nagahulag ang biktima kag isa na ka mayami nga bangkay.

Sa karon padayon pa ang imbestigasyon sang mga kapulisan agud matul-id kun may foulplay ang nangin kamatayon sang biktima.