Handum sang Department of Agriculture (DA) nga makatukod sang 260 pa nga Kadiwa centers sa bilog nga pungsod sa masunod nga tuig.
Sa paglunsyar sang pinakauna nga Kadiwa ng Pangulo (KNP) Expo sa Philippine International Convention Center sa Pasay City sang tinalikdan nga adlaw sang Martes, ginpahayag ni Agriculture Secretary Francisco Tiu-Laurel Jr. nga sa karon may yara na sang 41 Kadiwa centers, nga nagabaligya sang bugas sa P29 kag P42 kada kilo, nga gintukod sa bilog nga pungsod.
Sa speech sini, gintuad ni Tiu-Laurel nga ang gintingub nga expertise kag resources sang mga nagakaigo nga ahensiya sang gobyerno ang nangin instrumento sa kadalag-an sang KNP program kag sang mga benepisyaryo sini.
Ang KNP, isa ka flagship project ni Presidente Ferdinand R. Marcos Jr., ang nagasugot sa mga mangunguma kag tripulante, kaupod ang agricultural sector, nga magdul-ong sang accessible food products sa mga consumer.
Bida sa expo ang paglantad sa “Bigger, Better, and More Kadiwa ng Pangulo Para sa Masaganang Bagong Pilipinas”.
