27-anyos nga empleyado sang isa ka gasoline station nagpabalhag sa Roxas City PNP matapos nga ginaalegar ginpahog sang pump boy

ROXAS CITY – Nagpabalhag sa Roxas City Police Station ang isa ka 27-anyos nga empleyado sang isa ka gasoline station matapos nga ginaalegar ginpahog sang pump boy sa Arnaldo Boulevard, Roxas City.

Ginkilala ang tagreklamo nga si Richel Amores sang amo nga lugar.

Sandig sa ginpabalhag ni Amores nga ginpahog ini ni Jomar Celoso 23-anyos sang Barangay Timpas, Panitan, Capiz.

Nahibaluan nga may yara na sang daan nga hiligut-anon ang duha pag-abot sa ila nga trabaho antes pa man ang insidente.

Bangud diri, ginpakamaayo na lamang sang tagreklamo nga iparekord sa pulisya ang natabo.