ROXAS CITY – Patay ang 27 anyos nga lalaki matapos nga naghikog sa sulod sang iya nga kwarto sa Barangay Milibili, Roxas City.
Ginkilala ang biktima nga si Alyas Toto sang nasambit nga lugar.
Suno sa panaysayon sang iloy sang biktima nga nasapwan na lamang sini nga nagabitay ang iya nga bata sa sulod sang iya nga kwarto matapos sila nagpamahaw.
Madugay na nga na-obserbahan nila nga may yara sang pag-bago sa panghulagon sang biktima sumugod sang nagbulagay sila sang iya nga live-in partner duha ka tuig na ang nakaligad matapos nga nagpauli ini sa Concepcion, Iloilo kag wala na makabalik.
Ginapahayag pa nga masami nga nagatuad si Alyas Toto nga natak-an na ini sa iya kabuhi.
Kumbinsido ang pamilya sang biktima nga wala sang foulplay sa kamatayon sang ila nga himata.
