Balik-skwela na ang mga estudyante para sa pagbukas sang mga klase sa mga pampubliko nga eskwelahan sa pungsod sini nga Lunes, Hunyo 16.
Suno kay Education Secretary Sonny Angara, lubos ang ila preparasyon sa pagbalik sang mga estudyante sa eskwelahan subong nga School Year 2025-2026.
Samtang suno kay Dennis Legaspi, Media Relations chief sang Office of the Secretary of DepEd, yara sa 27 milyones ang projected enrollment sang DepEd subong nga school year.
Sa pagbukas sang klase, natalana nga magabisita si Angara, kaupod ni Pang. Ferdinand Marcos Jr ang Epifanio delos Santos Elementary School, sa Singalong St., Manila, las 9:00 subong nga aga agud personal nga makita ang sitwasyon sang pagbukas sang klase.
Una, ginhimo sang nga mahapos kag epektibo ang pagpalista sa basic education school.
Nahibaluan nga ginpasimple sang DepEd ang mga requirements nga kinahanglanon sang mga estudyante sa pagpa-enrol, nga nagapahanugot sa mga ginikanan nga magsumiter sang birth certificate sang ila mga kabataan makaisa lang, sa bug-os nga K-12 nga edukasyon, suno sa mando ni Pang. Marcos.
