ROXAS CITY – Nagpabalhag sang reklamo ang 29 anyos nga lalaki matapos nga ginlampusan sang dos por dos nga kahoy sang iya nga bilas sa Sitio Pili, Barangay Dinginan, Roxas City.
Ang biktima ang ginkilala nga si Julius Santos, residente sang nasambit man nga lugar.
Base sa ginparekord sang biktima, nagguwa ini sa ila nga balay agud mag-ihi kag didto iya napantawan ang suspek nga si Reymark Rey Andrada alyas RR, 23 anyos.
Bangud una nga wala nakilan-an sang biktima, ginpalapitan niya ini kag gin-usisa apang sa iya kakibot, ginlampusan ini sang dos por dos sang suspek apang nahimo niya nga makalikaw.
Nagpakilala ang biktima sa suspek apang ginpahog pa siya sini nga patyon kag liwat nga ginlampusan sang dos por dos rason nga naigu ini sa ulo.
Bangud diri, ginpakamaayo sang biktima nga iparekord sa pulisya ang insidente kag ginbalik sa konseho sang barangay ang paghusay sang magtimbang nga bahin.
