-- ADVERTISEMENT --
Dakop ang 29-anyos nga persona sa ginkasa nga drug buybust operation sang mga katapo sang Provincial Drug Enforcement Unit (PDEU) sa Sitio Urban, Barangay Milibili, Roxas City.
Ginkilala ang nadakpan kay Junrose Gricalda, 29-anyos sang nasambit nga lugar.
Narekober sa posisyon sang arestado ang duha ka sachets sang ginapatihan nga shabu, drug paraphernalia, cellphone kag P500 nga marked money.
Ginpahayag ni Police Lieutenant Colonel Julius Balano, team leader sang PDEU nga isa ka semana nga ginpaidalum sa monitoring si Gricalda antes ang madinalag-on nga operasyon sang mga kapulisan.
Samtang, natalana naman nga pasakaan sang panumbungon nga paglapas sa RA 9165 ukon Comprehensive Dangerous Drugs Act of 2002 ang suspek.
-- ADVERTISEMENT --
