Ginkumpirmar sang Department of Migrant Workers nga nag-abot na sa Pilipinas ang 290 nga mga Overseas Filipinos kag OFWs nagikan sa Lebanon.
Nag-abot ang mga ini sa Ninoy Aquino International Airport sakay sang chartered flight.
Sa nasambit nga numero, ginakabug-usan ini sang 233 nga mga Overseas Filipino workers, 13 ka mga dependents kag 21 nga Overseas Filipinos kaupod ang ila 23 nga mga dependents.
Kaupod sang mga nasambit nga Pilipino sa iya pagbyahe si DMW-Migrant Workers Office attaché to Alkhobar Hector Cruz.
Ang amu nga tikang ang base sa direktiba ni Pangulong Ferdinand Marcos Jr. nga i-evacuate ang mga Pilipino sa Lebanon bangud sa nagalala nga tensyon sa Middle East.
Pagpanaog sa Ninoy Aquino International Airport, ginsug-alaw ang mga ini sang katapo sang DMW kag OWWA.
Samtang, ginsiguro naman sang DMW nga itan-ay sang gobyerno ang nagakadapat nga bulig sa ila matapos ginpili nga magbalik sa Pilipinas.
