Napamalabagan nga makaguwa sang Pilipinas ang tatlo ka Pinoy nga ginapahayag nga biktima sang human trafficking suno sa Bureau of Immigration subong nga Domingo, Setyembre 29.
Napunggan sang immigration officers sa Ninoy Aquino International Airport (NAIA) Terminal 3 sang Setyembre 12 ang tatlo bag-o pa ang mga ini makapag-board sa ila nga flight padulong sa Thailand.
Na-turn over na sa karon ang tatlo sa Inter-Agency Council Against Trafficking (IACAT) para sa dugang nga imbestigasyon kag makahiwat sang legal action sa ila nga recruiter.
Ang mga biktima ang 28-anyos nga lalaki kag duwa ka babayi nga nagapang-edaron sang 24 kag 27-anyos.
Apang, ginsiling sang bureau nga natalupangdan sang isa ka opisyal sang immigration ang pila ka discrepancies sa primary inspection.
Nagpaandam ang BI sa mga Pilipino nga indi magpabiktima sa mga sindikato nga ini nga naga-recruit kag ginpilit sila nga maghimo sang mga ilegal nga aktibidad.
