Ginbalabagan sang Bureau of Immigration (BI) sa Ninoy Aquino International Airport (NAIA) ang tatlo ka Malaysian nationals nga ginapahayag miyembro sang Kingdom of Jesus Christ nga masulod kuntani sa pungsod Pilipinas.
Ang tatlo ang nag-abot sa pungsod kaupod ang grupo sang mga pinoy sadtong Agosto 27, nagikan Kuala Lumpur apang ginbilin nalang sang mga kaupdanan sang i-refer ini para sa immigration inspection.
Ginkilala ang mga ini nanday Jessica Lynn Henry, Mimielianna Annie Anak Leesoi kag Andrijosebaul Anak Garra.
Suno kay BI Commissioner Norman Tansingco, nadiskubre sang Immigration officers nga plano nga maghiwat sang mga ini sang anti-government demonstration kaupod ang iban pa nga taga sunod sang pugante nga pastor nga si Apollo Quiboloy kag sa pihak sang padayon nga manhunt operations sang awtoridad kay Quiboloy kag sa apat pa nga kapareho sini nga akusado.
Pag-eksplekar sang Malaysian nationals, gin-imbitahan suno sila sa Davao City sang KOJC apang wala ito may ipakita nga pamatuod sang ila financial capacity para suportahan ang ila pagpabilin sa pungsod kag kadugayan gin-ako man nga sila ang mga wala sang trabaho.
Isa naman sa mga pasahero ang nakitaan sang screenshot nga naga-unod sang nagkalain-lain nga anti-government slogan, kasubong sang “BBM Resign,” “Stop KOJC Injustices,” kag “AFP/PNP Protect the People.”
Sang pamangkuton angut sa screenshot, ginpahayag sang pasahero nga aksidente niya nga na-download ang mga slogan nagikan sa iya social media account.
Sa karun naka-immigration blacklist na ang tatlo ka Malaysian kag ginabawalan na nga makasulod liwat sa Pilipinas sang Bureau of Immigration.
