MAAYON CAPIZ – Pilas sa magkatuhay nga parte sang lawas ang naangkon sang tatlo ka mga indibidwal matapos maaksidente ang ginasakyan sini nga mga motorsiklo sa Barangay Poblacion Ilaya, Maayon, Capiz.
Ginkilala ang mga nagkalapilasan nga sanday Ronnie Dayo, 55-anyos, LGU Employee, kag residente sang Barangay Tapulang
Sandig sa impormasyon nga nagikan sa Maayon Municipal Police Station, ginapahayag nga samtang nagatabok sa dalan si Delatina, aksidente ini nga nabungguan ni Dayo sakay ang iya Suzuki Smash nga motorsiklo nga nagikan sa Poblacion Tabux kag papaulo na kun tani sa Barangay Tapulang sa nasambit nga banwa.
Bangud sa makusong nga impact, nagtabog si Dayo kag anak sini subong man si Delatina.
Nag-angkon sang minor nga pilas sa ulo si Delatina subong man si Dayo kag minor nga pilas naman sa wala nga siko kag tuo nga tuhod sang anak sini.
Gilayon naman ginpadangat sa pinakamalapit nga ospital ang mga nagkalapilasan para sa nagakaigo nga pagbulong.
Samtang ang mga naulamid nga motorsiklo yara sa kustodiya sang Maayon MPS para sa nagakaigo nga disposisyon.
