ROXAS CITY – Nabalhag ang tatlo ka mga separado nga insidente sang sunog sa syudad sang Roxas, kahapon nga adlaw, Abril 20.
Masuwerte nga wala sang nahalitan sa nagluntad nga grassfire sa Pueblo de Panay, Barangay Lawaan, matapos nga gilayon ginrespondehan sang mga katapo sang BFP-Roxas ang amu nga insidente, Miyerkules sang aga.
Partially damaged naman ang atop sang balay ni Jackielou Dile sang Bayot Drive, Barangay 9, matapos nga nag-spark ang wiring sang ila kuryente, kag may kahalitan nga P1,500.
Samtang, partially burned ang kusina sang balay ni Noel Antojado Jr., sang Barangay Libas, matapos ini masunog, alas-7:00 sa gab-i.
Ginapahayag nga naling-an nga tinig-ang sa ila dapog ang gintunaan sang kalayo.
Madasig nga napalong ang kalayo sa bulig sang iya mga kasilingan. Ginabulubanta nga may kahalitan nga P10,000 ang nasambit nga sunog.
