ROXAS CITY – Arestado ang tatlo ka mga persona matapos nga naglapas sa ginpatuman nga curfew hours sa magkatuhay nga mga kabanwahanan sa probinsya sang Capiz.
Ginkilala ang mga nadakpan nga sanday Ginalyn Soberano, 45-anyos sang Barangay Aranguel kag Geovane Balana Jr., 26-anyos sang Barangay Lantangan, Pontevedra, Capiz sa diin nadakpan ini nga yara sa idalom sang impluwensya sang makahulubog nga ilimnon samtang nagalagaw sa Barangay Badiangon sa nasambit nga banwa.
Samtang, nadakpan naman sa Barangay Sta. Fe, Pilar, Capiz si Wenry Vergara 29-anyos sang Barangay Sinamungan sang amo nga banwa.
Mahibaluan nga ginapatuman sa karon sa bilog nga probinsiya sang Capiz ang curfew hours humalin alas 8 sa gab-i tubtob alas 5 sa aga base sa Executive Order No. 11, series of 2020 nga ginpapanaog ni Capiz Governor Esteban Evan Contreras.
