ROXAS CITY – Apat ang pilason sa pagkarambola sang tatlo ka mga motorsiklo sa Barangay Cabugao, Roxas City.
Nag-angkon sang mga pilas sa magkatuhay nga bahin sang lawas ang mga biktima nga sanday Ruzzel John Bandellionkag pakaisa nga Rica Joy Bandellion sang Barangay Lonoy, Roxas City, Leonito Porlas sang Malipayon Village, Barangay Tiza, Roxas City kag Ronnie Catimbang sang Poblacion Ivisan, Capiz nga empleyado sang Capelco.
Sa imbestigasyon sang Roxas City PNP nagtuyo nga mag-overtake si Porlas sa motorsiklo nga ginamaneho ni Bandellion kag wala ginalauman nga mabungguan sini ang nakasugata nga motorsiklo ni Catimbang.
Padayon nga ginabulong sa ospital ang mga biktima samtang yara sa kostodiya sang Roxas City PNP ang tatlo ka mga motorsiklo.
