-- ADVERTISEMENT --
Patay ang tatlo ka indibidwal kag pulo ang pilason sa isa ka insidente sa natabo nga pagpang-luthang sa guwa sang isa ka grocery store sa Fordyce, Arkansas sa Estados Unidos sa Amerika.
Sandig sa Arkansas State Police, lakip ang isa ka law enforcement officer sa mga nagkalapilasan sa nasambit nga insidente.
Nag-angkon man sang kritikal nga mga samad ang suspek matapos ini nga gin-luthang sang mga kapulisan kag sa karon, yara pa ini sa kritikal nga sitwasyon.
Samtang, padayon pa ang imbestigasyon sang mga otoridad angut sa nasambit nga pagpang-luthang.
