3 patay sa ambush sa isa ka konsehal nga sakay sang SUV; duha sa mga napatay, naulamid lang

Patay ang tatlo ka mga indibidwal matapos gin-ambush ang isa ka konsehal nga sakay sang SUV sa Barangay Salunayan sa Midsayap, Cotabato.

Lakip sa mga ginbawian sang kabuhi ang isa ka tricycle driver kag pasahero nga nagabyahe sang amo nga tion.

Ginapahayag nga nagaguwa sa imbestigasyon nga padulong ang konsehal sa balay sang iya himata sang gilayon nga ginpaarakan luthang sang mga sakay sang isa ka puti nga mini-van.

Magluwas sa tricyle driver kag pasahero, patay man ang isa pa ka retirado nga soldado nga sakay sang SUV.

Pilason naman ang SUV driver kag ang konsehal.

Padayon pa nga ginapangita ang mga suspek kag ginahibalo ang motibo sa krimen.