DUMARAO, CAPIZ – Pilason ang 3 ka mga indibidwal sa pagbungguanay sang duha ka mga motorsiklo sa banwa sang Dumarao, Capiz.
Ginkilala ang mga napilasan nga sanday Rene Bagaforo, 44 anyos sang Barangay Traciano, driver sang motorsiklo kag backrider sini nga si Abenir Carno, 49 anyos kag ang driver sang isa pa ka motorsiklo nga isa ka 17 anyos nga lalaki.
Base sa inisyal nga impormasyon gikan sa Dumarao Municipal Police Station, naghalin sa Barangay Poblacion Ilawod sanday Bagaforo kag padulong kuntani sa Barangay Poblacion Ilaya apang sang magaliko na ang motorsiklo nga ginamaneho ni Bagaforo, nabungguan ini sang motorsiklo nga ginamaneho sang nasambit nga menor de edad.
Lunsay nag-angkon sang pilas sa lawas ang tatlo ka mga indibidwal nga gilayon nga ginbulong sa Dumarao Rural Health Unit.
