PONTEVEDRA, CAPIZ – Nag-angkon sang menor nga kapilasan sa lawas ang tatlo ka mga indibidwal matapos aksidente nabungguan sang tricycle ang motorsiklo sa Barangay Tabuc, Pontevedra, Capiz.
Ginkilala ang mga biktima nga sanday Mark Desales 36-anyos driver sang motorsiklo kag backrider nga si Rosanito Urente 38-anyos, lunsay mga residente sang Maayon, Capiz.
Samtang ang driver sang tricycle ginkilala kay Sandy Villanueva sang Barangay Tabuc, Pontevedra.
Sandig sa imbestigasyon sang Pontevedra PNP ginasubay sang mga biktima ang dalanon sakay sa motorsiklo sang hinali nga ginbungguan sang tricycle nga ginamaneho ni Villaueva.
Bangud sa impact nag-angkon sang menor nga kasamaran sa lawas ang tatlo kag ginpadangat sa Bailan District hospital.
Apang matapos nga mabulong ang ila samad, gilayon man sila nga ginpapauli sa ila tagsa ka mga balay.
