Patay ang 30-anyos nga babaye matapos ginbuno sang makapila ka beses sang iya anay partner sa iya ginatrabahuan sa San Nicolas, Ilocos Norte.
Sa imbestigasyon sang kapulisan, nagguwa nga nagkadto ang suspek sa tindahan ni Pagaduan sa Barangay 18 San Pedro sang Sabado, kag ginbuno sang pito ka beses ang biktima.
Wala naman nakaluwas si Pagaduan sang gindala sa ospital.
Nagpalagyo naman ang suspek matapos makomiter ang krimen apang nadakpan sa hot pursuit operation. Gin-ako sini ang krimen nga gin-alegar nahimo niya bangud sang iya pagpalangga sa biktima.
Suno kay Gaspar, bisan isa ka tuig na sila nga bulag sang biktima, padayon ang ila pagkit-anay. Apang naakig ang suspek sang hinali lang nga wala na naka-contact ang biktima.
Ginpahayag sang utod sang biktima nga sadto ginasakit sang suspek si Pagaduan, kag indi nila mabaton ang natabo kay Gaspar.
Ginpasakaan naman sang kaso nga murder ang suspek.
