Posible nga maapektuhana ang 30 milyon nga indibidwal sa bug-os nga pungsod sang bagyong Kristine suno sa Office of Civil Defense.
Suno kay OCD administrator Undersecretary Ariel Nepomuceno ini ang suno sa datos sang Department of Social Welfare and Development.
Dugang pa sang ahensya, nakahanda na sila para sa posible epekto sang bagyo kag para maibanan ini.
Sa nakalap nga impormasyon ni Nepomuceno, may yara sang 18,000 ka barangay ang yara sa delikado bangud sa pag-ulan kaupod na diri ang mga landslide kag pagbaha nga mahimu matabu sa mga rehiyon partikular na sa Central Visayas, Cordillera Administrative Region, Eastern Visayas, Ilocos Region, MIMAROPA, Northern Mindanao, SOCCSKSARGEN, Western Visayas, kag Zamboanga Peninsula.
Samtang sa NCR naman may yara sang 1,403 ka barangays ang mahimu maapektuhan sang landslide kag posible nga pagbaha partikular naman sa mga lugar sang Caloocan, Malabon, Navotas, Valenzuela, Pasay, Pateros, Las Piñas, Makati, Muntinlupa, Parañaque, Taguig, Quezon City, Mandaluyong, Marikina, Pasig, San Juan, kag Manila.
