EGYPT – Nadula ang 3,000-year-old gold bracelet halin sa restoration laboratory sang Egyptian Museum.
Ang bracelet ang ginlaragway bilang golden band nga may “spherical lapis lazuli beads,” nga ginapahayag nagikan pa sang tion ni Pharaoh Amenemope sang 21st Dynasty sang Egypt ukon ginabanta 1070-945 BC.
Indi man mapat-od sang mga opisyal kun sang san-o ang ulihe nga nakit-an ang gold bracelet.
Suno sa mga reports, nadiskubrehan lamang ang pagkadula sang alahas pila ka adlaw na ang nagligad kadungan ang inventory check antes ang “Treasures of the Pharaohs” exhibition sa Rome sang Oktubre.
Naglunsyar na sang imbestigasyon ang mga otoridad kag gin-alerto na ang tanan nga airport, seaports kag border crossings.
May yara man sang hiwaton nga full inventory sa laboratory.
Nahibaluan nga ang bracelet ang orihinal nga nakit-an sa Tanis sa eastern Nile Delta sa sulod sang lulubngan ni King Psusennes I sa diin ginlubong liwat si Amenemope.
Sandig sa mga eksperto, apisar indi most stunning piece ang bracelet, ini man ang ginakabig pinaka-importante para sa kasaysayan.
Ini ang human sa special gold mix agud malikawan ang pagtiko kag may yara pa ini sang lapis lazuli nga nagasimbolo sang buhok sang Ginoo kag gold nga nagasimbolo sang ila unod.
Ang Egyptian Museum ang may yara sang masobra 170,000 artifacts lakip na ang popular nga gold mask ni King Amenemope.
