PANAY CAPIZ – Nakumpiskar sang katapo sang Panay Municipal Police Station kaupod ang Municipal Environment and Natural Resources Office-Panay (MENRO-Panay), ang 30kilos sang nagkalain-lain nga isda matapos ang ginpatigayon nga seaborne patrol sa kalalawran nga sakop sang Panay.
Mahibaluan nga dakop sa akto ang mga indibidwal nga nagapatigayon sang illegal nga aktibidad ukon “PAMU”.
Dugang nga nakumpiskar sang mga otoridad ang (1) unit sang pump boat nga nagabalor P100,000.00, (1) unit sang Kobota Diesel Engine (Trio) nagabalor sang P20,000.00, fishing net with complete accessories nga nagabalor sang P200,000.00 kag mas o menus (30) kilos sang nagkalain-lain nga isda nga nagabalor sang P6,000.00, kun sa diin ang mga nakumpiskar may grand total value nga P326,000.00
Ginlapas sang mga ini ang Municipal Ordinance No. 03-02, Series of 2003 kag sa karun yara na sa paghinakop sang MENRO-Panay ang mga nakumpiskar para sa nagakaigo nga disposisyon.
