31-anyos nga ginang pilason matapos mabungguan sang tricycle

ROXAS CITY – Pilason ang isa ka ginang matapos mabungguan sang tricycle sa Barangay Lantangan, Pontevedra, Capiz.

Ginkilala ang biktima kay Beverly Ballonado, 31 anyos sang Barangay Vizcaya, President Roxas, Capiz nga nag-angkon sang kapilasan sa magkatuhay nga bahin sang lawas.

Nagaguha sa imbestigasyon sang Pontevedra PNP samtang nagatulod sang tricycle ang biktima bangud nahubsan sang gasolina, aksidente ini siya nga nabungguan sang tricycle nga ginamaneho ni Marlon Dela Bola, 31 anyos sang Barangay Vizcaya, President Roxas, Capiz.

Nag-angkon sang kasamaran sa natuo nga tiil ang biktima nga madasig man gindala sa Bailan Dostrict Hospital para mahatagan sang nagakaigo nga pagbulong.