Gin-abi-abi sang Philippine National Police ang bag-o nga desisyon sang Supreme Court of the Philippines nga pwede na pasudlon sa korte ang mga items nga nakuha sa warrantless search bisan indi ini makita sa plain view.
Suno kay PNP Chief Jose Melencio Nartatez Jr., makabulig ini sa mga pulis nga indi masayang ang ebidensya tungod lang sa technical nga rason, basta valid lang ang initial stop ukon search.
Antes sini, limitado lang ang batunon nga ebidensya sa butang nga gilayon makita, apang may yara sa gihapon sang pila ka mga importante nga ebidensya nga indi magamit.
Bangud sini, iga-update sang PNP ang ila Standard Operating Procedures, kag ginpasalig ni Nartatez nga padayon sila nga magaserbisyo nga may integridad kag respeto sa kasuguan.
