32-anyos nga electrician arestado sa drug buybust ops’ sa Pontevedra, Capiz

ROXAS CITY-Arestado ang 32 anyos nga electrician matapos ang ginkasa nga Drug Buybust Operation sang gintingub nga pwersa sang Pontevedra Municipal Police Station kag Provincial Drug Enforcement Unit sang Capiz Police Provincial Office sa Barangay Rizal sa nasambit nga banwa.

Ginkilala ang suspek nga si John Mark Borleo sang Sitio Swa, Barangay Poblacion, President Roxas, Capiz.

Narekober sa possession kag kontrol sang suspek ang apat ka sachets sang ginapatihan shabu, 500 pesos nga buybust money, cellphone kag motorsiklo.

Sa karon, nakahunong na sa karsel sang Pontevedra PNP ang nasambit nga suspek kag natalana nga pasakaan sang panumbungon nga paglapas sa Republic Act No. 9165 (Comprehensive Dangerous Drugs Act of 2002).