-- ADVERTISEMENT --
Nagpositibo sa drug test ang 32-anyos nga lalaki nga nadakpan sang mga kapulisan sa ginpatigayon nga drug buybust operation sa Barangay Linao, Panay Capiz.
Matandaan nga ginkilala ang suspek kay alyas “Marvin”, residente sang Barangay Marita, President Roxas, Capiz.
Nakuha sa paghinakop sini ang 8 sachets sang ginapatihan nga shabu kun sa diin ang 7 sini ang nakasulod sa pouch nga itom, nga may ginabulubanta nga kabug-aton nga 80 gramos kag nakuha man ang kapin P15,000.00 nga marked money.
Sa karon, nagapabilin ini sa kustodiya sang Panay MPS kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002.
