-- ADVERTISEMENT --
Roxas City – Yara na karon sa kustodiya sang Roxas City PNP ang isa ka 32 anyos nga persona matapos ginaalegar ginpahog ang duha ka mga persona sa Alba Village, Barangay Dinginan, Roxas City.
Sandig sa nangin imbestigasyon sang mga kapulisan, samtang sakay sa motorsiklo ang mga biktima nga sanday Albert Albay, 23 anyos kag utod sini nga si Joenefer Albay, 21 anyos lunsay mga residente sang nasambit nga barangay hinali na lamang sila ginbanggaan sang suspek nga si Arnel Banias, 32 anyos kag yara sa idalom sang impluwensiya sang makahulubog nga ilimnon.
Suno pa sa mga biktima nga ginaalegar ginpahog pa sila sang suspek nga balusan ang ila sini pamilya.
Bangud diri, ginpakamaayo na lamang sang mga biktima nga i-report sa pulisya ang insidente.
