ROXAS CITY – Patay ang 33-anyos nga lalaki, matapos ang naglutad nga aksidente sa National highway of Barangay Tanza Norte, Panay, Capiz.
Ginkilala ang napatay kay Rudolfo Oliveros kag residente sang Brgy. Esperanza, Pontevedra, Capiz.
Sa impormasyon nga nakuha sang Bombo Radyo sa Panay Municipal Police Station, ginapahayag nga samtang ginasubay ni Oliveros ang dalan sakay sang motorsiklo Kawasaki Bajaj nagaduag itom nagikan sa syudad kag papauli na kun tani, apang pag-abot sa lugar nga ginluntaran sang insidente, nadulaan ini sang kontrol sa pagmaneho.
Bangud sa natabo, natumba si Oliveros kag aksidente nga bumunggo sa poste sang capelco ang iya nga ulo.
Nag-angkon ini sang patal nga pilas sa magkatuhay nga parti sang iya lawas.
Madasig naman nga ginrespondihan sang Panay Emergency Response Team agud dapatan sang pauna nga pagbulong antes ginpadangat sa ospital apang gindeklarar ini nga dead on arrival sang doctor.
