CAPIZ – Boluntaryo nga gin-surrender sa kapulisan sang Capiz ang 33 ka mga armas-luthang humalin sang Abril 2024 tubtob Mayo 2025.
Suno kay Police Lieutenant Colonel Lumyaen Lidawan, commander sang 1st Capiz Provincial Mobile Force Company, nagapakita lamang nga epektibo ang pagpatuman sang Tokhang Kontra Armas-Luthang (TKAL) program.
Pahayag niya, ang nasambit nga programa ang ginpatuman agud mapasangkad pa ang public safety kag mapabilin ang peace and order pinaagi sa responsible ownership kag disposal sang armas luthang.
Dugang pa sang natungdan, may mga serye sang pagpakigdayalogo sa komunidad kag information drives nga ginapatigayon ang kapulisan sa mga kabarangayan agud mangin aware sa peligro nga dala sang indi rehistrado nga mga armas.
