34-anyos nga lalaki, naghikog-patay

ROXAS CITY – Patay ang 34 anyos nga lalaki matapos naghikog sa Sitio Iwahig, Barangay Banica, Roxas City.

Ginkilala ang biktima kay Antonio Verundo, Jr., kag residente man sang nasambit nga lugar.

Sa inisyal nga imbestigasyon sang kapulisan, magkaupod pa nga nag-inom ang biktima kag ang iya amay upod sa ila nga mga abyan sang naglisensiya ang biktima nga magasulod na ini sa iya nga hulot.

Makaligad ang pila ka mga inoras, didto kag nakibot na gid lamang ang amay sang biktima sang nakit-an nga nakabitay na ang iya anak gamit ang nylon nga pisi kag wala na sang kabuhi.

Gindala pa sa ospital ang biktima apang gindeklarar nga dead on arrival.

Kumbinsido naman ang pamilya sang biktima nga wala sang foulplay sang kamatayon sang ila nga himata.