Ginbawian na sang hulam nga kabuhi ang 36-anyos nga babayi samtang ginabulong sa bailan district hospital matapos nga naglapaw ang ginasakyan sini nga salakyan sa bahin sang Barangay Jolongajog, Pontevedra, Capiz.
Matandaan nga papauli na kuntani ang mga biktima sa banwa sang Panay, apang hinali na lamang nga nadulaan sang kontrol sa pagmaneho ang driver sang amo nga salakyan kun sa diin naglapaw ini sa karsada kag nahulog sa talamnan.
Ginapahayag nga ang mga wala na ginhingadlan nga mga biktima ang nagapang-edaron sang 27 anyos kag , 36-anyos lunsay mga residente sang Barangay Anhawon, 23-anyos sang Barangay Cabugao, kag 1 sa mga ini ang wala pa matumod nga residente sang Pampanga.
Samtang, padayon pa nga ginabulong sa bailan district hospital ang mga nabilin nga biktima.
Sa karon, padayon pa ang imbestigasyon sang mga otoridad angut sa nasambit nga insidente.
