ROXAS CITY – Dakop ang 36-anyos nga lalaki, matapos makuhaan sang caliber 45 pistol nga loaded sang lima ka bala sang Maayon Municipal Police Station sa banwa sang Maayon.
Ginkilala ang nadakpan kay George Balois residente sang Barangay Katipunan banwa sang Tapaz apang temporaryo nga nagapuyo sa banwa sang Maayon sa iya pakaisa.
Sandig sa impormasyon nagikan sa Maayon Municipal Police Station, samtang nagapatigayon sila sang Oplan Bakal Sita sa isa ka resto bar nakit-an sang kapulisan nga may yara sang nakasukbit nga armas luthang sa kilid ni Balois.
Bangud sini, gilayon nga gindakop kag gindala sang kapulisan si Balois sa Maayon MPS.
Suno kay Balois, pang-self defence lamang ang amu nga pusil rason nga ginsukbit niya ini.
Natalana nga pasakaan sang kaso nga paglapas sa RA 10591 ukon Illegal Possession of Fire Arms.
