-- ADVERTISEMENT --
Indi magnubo sa 37 ka mga tawo ang pilason matapos nagtay-og ang magnitude 5.9 nga linog sa Eastern Japan.
Suno sa Japan Meteorological Agency, may kadalumon nga 70 kilometers ang linog, kon sa diin ang epicenter sini ang nahamtang sa southern Ibaraki Prefecture.
Kalabanan sa mga napilasan ang nahulog ukon nakabunggo sa mga muwebles kag mga pirtahan tuga man sang mabaskog nga pagtay-og.
Ang linog nagtuga man sangpagka-delay sa pila ka express kag local train services pakadto sa Tokyo kag Narita Airport.
Wala naman sang pamahog sang tsunami ukon ginreport nga mga isyu sa nuclear power plants, samtang ang mga awtoridad padayon nga ginahibalo ang posible nga kahalitan.
-- ADVERTISEMENT --
