Isa ka 38-anyos nga lalaki, nga nagapungko sa 11A, ang ginareport karon nga nagaisahanon nga nakalampuwas sa pag-crash sang eroplano sang Air India.
Ang survivor amo si Ramesh Viswashkumar. Tumandok sang India si Ramesh apang nagapuyo sa London sa nagligad nga duha ka dekada kaupod ang iya asawa kag anak. Nagbalik ini sa India para kuntani sa family reunion apang natabo ini nga trahedya.
Ginpahayag nga naglumpat ini halin sa emergency exit.
Sa inisyal nga impormasyon, kaupod niya sa flight ang iya utod nga si Ajay Vishwaskumar nga missing pa subong.
242 ang sakay sang eroplano sang nag-crash ini sa residential area partikular sa medical college hostel sa guwa sang airport sa Ahmedabad. Pakadto kuntani ini sa Gatwick Airport sa London.
Sa mga na-recover nga bangkay, wala pa sang kumpirmasyon kun ini mga pasahero ukon mga tawo nga yara na nga daan sa area kag nadalahig lang sang natabo ang plane crash.
Sa karon, padayon ini nga ginabulong sa Ahmedabad Hospital.
